متعيطيش بقى ... مانتى اللى صحتينى ..
وقمت الصبح بدرى ... لبست وفطرتينى ...
وانتى اللى بسرعه برضو ... بوستينى وحضنتينى ...
كان نفسى احضنك اكتر ... وانتى الى استعجلتينى ...
قولتيلى يالا بسرعة ... ومش عايزة تأخرينى ...
خدنى الاتوبيس ورحت ... لمطرح ما يودينى ...
اتارى فاضل ثوانى ... وتخلص خلاص سنينى ...
ياخسارة بقى كان نفسى .. تيجى وتودعينى ...
كان نفسى افضل جنبك لحد ما تشوفينى ...
كبير ياامى وحاجة انفع انا بيها دينى ...
فى الأزهر اتعلمت و آيات ربى تنجينى ...
فى الجنه يا أمى عايش بلعب ويا زميلى ...
ما هو برضو جه معايا مرضيش يخلينى ...
هلعب معاه ياامى لحد ماانتى تجينى ..
بعد عمر طويل وساعتها هتلاعبينى ...
والى هيجبلى حقى ربى اللى حامينى